قليلة اوى اللحظات اللى الواحد بيحس فيها انه رايق البال و هادى
بعيد عن زحمة الشوارع
و اى اسباب ممكن تسبب التوتر
او اى حاجة تعمل للواحد ازعرينا فى دماغه
بس على قد ما هى قليلة على اد ما انها مش بتتنسى
من هذه اللحظات ساعتان عشناهم خارج اطار الزمن و الوقت
ساعتين عشناهم فى روقان بال و هدوء نفسى و ااااااخر مزاج
الساعتين دول قضيتهم فى تجربة جديدة عليا و غالبا لن تتكرر كثيرا
قضيتهم فى حفلة غنائية - ايوة حفلة ايه الغريب فى كده - يمكن اللى يعرفنى عن قرب يعرف انى مش بحب الدوشة و بالتالى فانا مش من بتوع الحفلات و المناسبات و الحاجات الكتير دى
و مع ذلك قلت اجازف و اغامر و اجرب و اشوف ايه جو الحفلات ده
و بما ان حضور الحفلات الغنائية دى مش ببلاش يعنى, و بما ان الواحد مش بيلاقى الفلوس فى الارض فقررت انى احضر حفلة لحد يستاهل, لحد انا بحبه جدا الحقيقة و بحترمه جدا
كانت الحفلة لمطرب - و قليل هم من يمكننا ان نطلق عليهم لقب مطرب- اسمه حمزة نمرة
يمكن ما حدش كتير سمع عنه; و يمكن ده يكون بسبب اختلافه و اختلاف اللى بيقدمه
الراجل ده من الممكن اننا نقول عنه انه جه نجدة من السماء لكل واحد كان بيدور على فن نضيف يسمعه,
و لكل واحد كان نفسه يسمع اغنية بس من غير ما يحس انه قاعد فى سوق - دوشة و خلاص و ما حدش فاهم حاجة.
لكل واحد كان نفسه يسمع غنى مصرى بجد
الحان مصرية اوى
كلمات هادفة و بسيطة
مواضيع ما حدش اتكلم فيها قبل كده; عن العمل و الذكريات و الغربة اللى بقينا بنحس بيها حتى و احنا فى بلدنا
مواضيع بعيدة تماما عن الاغانى العاطفية من اللى بيغنيها ال 10 الاف مغنى اللى كل يوم بيطلعوا
و فى الاخر بيغنيها فنان نقدر نقول انه انسان من الطراز الاول
حضر حفلته النهاردة اكتر من 300 شخص
كلهم من الشباب و البنات المحترمبن جدا
بالاضافة لفريق عمل راديو صوتكم بقيادة احمد يونس
لاول مرة اشوف واحد بيغنى بالمزاج ده و الروقان ده
الفريق كله كنت تحس و انت بتشوفه و هو بيشتغل كانه مش بيشتغل
تحس انهم شباب بيعملوا حاجة هما حابينها و بيعملواها بمزاج
و لاول مرة المزيكا تضحكنى , كانوا بيلعبوا بالمزيكا
كانت الروح روح هواة بس الاداء اداء محترفين
و مفاجأة الحفل التى ابكتنى الحقيقة
هو تقديمه لعضو جديد فى فرقته و هو عازف الاكورديون
عازف الاكورديون الاسكندرانى الكفيف
اللى مهارته فى العزف خلت الناس كلها تسقف له بحرارة فى نهاية عزفه
و باقى اعضاء الفرقة منتظرين انهائه لتلك المقطوعة فى هدوء و احترام شديد لموهبته
تلك اللفتة الجميلة من حمزة نمرة جعلتنى اقدره اكثر كانسان
و جعلت الجميع فى نهاية الحفل منبهرين بهذا الشاب المصرى اوى الانسان اوى و الفنان اوى اوى
Posts
6 رغيكم يهمنا:
enty ta2reeban 2olty kol el kalam elly momken yet2al 3an el 7afla....ana mesh la2y 7aga tanya a2olha...bs m3lesh ana feeh so2al hamoot 3leh...fakra o3`nyet 3asforain ????kan bey2ool "el watan ra7et el 2oloob...." 7aga keda mesh fakrha 7`ales ...kanet 3agbany awi sa3et-ha ....!!! bgd nefsy ay 7ad yegawbly 3la el so2al da ...w so7aby elly kano m3aya bardo mesh fakreen ! :D:D:D:D...nice post ; )
P.S :I ve the one who wrote just before u on 7amza`s wall on fb,Sharif Mostafa :)
fe3lan howa masha2 Allah 3alih
kan gameel awy fel 7afla
ana makontsh a3rafo kways bas 2olt agarab aroo7 el 7afla de 3shan ana 3arfa eno ensan mo5talef
w ana sa3eeda awy eny 7edert 7afla gameela zay de w shoft ensan gameel zay da w seme3t kalam le ma3na w hadaf begad
el wa7ed zehe2 men kotr el a3'any ely mesh btgeeb 3'er sera wa7da
el 7ob el 7ob el 7ob
okay gameel gedan enena ne7eb
bas el 7ayah msh bas 7ob
el 7ayah 7agat keter awy law 3amalnaha sa7 hayb2a feh 7ob
bas men 3'erha 3omr ma haykoon feh 7ob
استاذ شريف
و الله انا من كتر ما كنت سعيدة بحضورى النهاردة و سعيدة بالانسان ده و سعيدة باللى بسمعه و بشوفه
ما قدرتش اقول كل اللى عندى
كل اللى اقدر اقوله فعلا ان مصر كسبت واحد انسان
بس الحقيقة اكدب عليك لو قلتلك فاكرة باقى الكلمات
و فعلا انا عجبنى الكومنت بتاعك جدا على الوول بتاعته
بس شرفتنى يا فندم فى مدونتى الغلبانة
Maioora
الحفلة جميلة و الواحد نفسيته ارتفعت
و بعدين على الاقل فعلا الواحد يقدر يسمع كلمات الاغانى و يفهمها و ما يحسش انه قص و لزق
في واقع تضرب فيه أمة الإسلام بالنعال في المشرق و المغرب ..و تنتهتك حرمات الله جهارا و نهارا .. ويسب النبي سرا و علانيه ... لا يتعب المرء إن رأي مثل هذا المقال الدال عن حالة بعد شديد يعاني منها شبابنا بعد عن الدين وهمومه مع عديد من المببرات ك " محترمين و فنان " و التي لاتغني عنهم من الله شيئا ... يالتينا نستفيق قبل أن يدركنا الموت ياليتنا نفيق قبل أن يقال لنا " وبدا لهم من الله مالم يكونوا يحتسبون "
هدانا الله .. والسلام
josive
احنا ما قلناش اننا سايبين هموم ديننا او بلادنا و قاعدين طول النهار بنسمع فى اغانى و كلام
انا ما بتكلمش عن ناس تافهة
دول ناس و اولهم حمزة ناس بتشتغل و تدرس و بتتعلم و بتعلم
و حرمات الله التى تنتهك لم نترك الدفاع عنها لنسمع الموسيقى
و كل له طريته فى العمل
و الساعتين اللى قضيناهم دول يمكن يكونوا عرفونا حاجة جديدة او حاجة مختلفة
و فى النهاية اشكرك على ذوقك فى عرض وجهة نظرك و جزاكم الله خيرا على النصيحة
قال رسول الله " لو تعلمون ما اعلم لبكيتم كثيرا و لضحكتم قليلا ولنا تمتعتم مع النساء على الفرش و لخرجتم الى الصعدات تجأرون "
وقال النبي صلى الله عليه و سلم عن ايامنا انها سنوات خداعات يسمى فيها الشيئ بغير اسمه ...فأصبح الغناء و المعازف .. ميوزك و طرب و فن !
وأصبح اهلها من أصاحب الرسالات السامية وكل لهم طريقته وكل الطرق تؤدي الى غيابات مدلهمة اللهم الا طريق واحد خطه النبي وقال عنه لن تضلوا بعدي ابدا .. ولما تركناه ضللنا ثم اعجبنا ضلالنا ثم دافعنا عنه ونافحنا ... ثم يوم لقاء الله في عرصات القيامة نذهل من سؤال صاعق من ربنا القهار العظيم عندما يقول يا ايها الانسان ماغرك برك الكريم ؟؟
وقد ناديت لو اسمعت حيا فهل من حي يصغي للنداء ؟
و السلام..
Post a Comment