نفسى

نفسى فى حاجات كتير و فى نفسى حاجات اكتر

السلام عليكم
الحقيقة انا مش واثقة ان فيه حد هايدخل البلوج بتاعى بس مش مشكلة انا هاكتب وخلاص
انا النهاردة اول مرة ليا اكتب برة اجندتى فى الحقيقة
واللى خلانى اكتب انى ساعات كتير بحس بحاجات كتيرة خاصة باشياء متفرقة وحاجات كتيرة
و بعدين لقيت انى عاوزة ناس كتير تشاركنى احساسى ده ويقولوى هما حاسين زيى واللا لا
يمكن لانى اصلا شخصية تستمد ثقتها من اللى حواليها
نفسى اكتب والاقى حد يرد عليا
نفسى اعمل حاجة لنفسى ولأهلى ولبلدى طبعا
انا واحدة عادية جدا
متمسكة بتقاليد البلد دى لانى اصلى ريفى وامى ربتنا انا واخواتى تربية ريفية مبنية على التقاليد و العيب قبل اى شىء
انا مش متعصبة دينيا بس نفسى اقرب من ربنا قوى و نفسى اموت و هو راضى عنى
باسمع موسيقى و باتفرج على افلام و بروح سينما بس برضه عاوزة ابقى انسانة قريبة من ربنا
الدين عندى شىء مهم
انا زى اى بنت فى مصر من الطبقة المتوسطة
نفسى اشتغل فى مكان كويس واساعد اهلى
نفسى اتعلم حاجات كتير بحبها
نفسى بلدنا تبقى احلى بلد فى الدنيا
كنت ساعات بحس انى بحب بلدنا اوى
بس ساعات كتير بحس انى ما بحبهاش ما بكرهاش بس ما بحبهاش
ما ليش اى انتماء سياسى
حتى مش مشتركة فى نادى
انتمائى الوحيد لأسرتى ولعيلتى وللصح ولبلدى
انا رغاااااااااااية
بس خلاص دلوقتى

و بحب التصوير برضه.....

و بحب التصوير برضه.....
التصوير هو محاولة الاحتفاظ بالجمال فى عينيك دائما

انا ميييين

ما اتعودتش احكى عن نفسى كتير..بس بحب ارغى بشكل عام زيى زى اى بنت مصرية صميمة...فيه بنت مصرية ما بتحبش الرغى؟؟

عشان ما تسألش...

زيى زى اى حد غريب بيتعرف على حد بيشوفه لاول مرة ....بتعامل مع نفسى بروح المستكشف...بخاف من نفسى احيانا على نفسى....وبخاف عليها احيانا برضه لما بلاقيها ضعيفة و مسكينة

مين اللى بيرغى هنا؟!!

هنا مساحة ليا و لاى حد نفسه يرغى انه يرغى براحته....الرغى هنا ببلاش

طريقك اخضر

طريقك اخضر

ما تدورش كتير

بيقولوا اتباع؟!